Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Toeskouers kyk na die bekendstelling van die Indiese navorsingsorganisasie se poolsatelliet-lanseringsvoertuig. Indië het pas ʼn rekordgetal van 20 satelliete op een vuurpyl van die suidelike ruimtehawe van Sriharikota suksesvol afgevuur. Foto: Xinhua/Stringer(lyi)/ wire.africannewsagency.com
Hierdie beeld is op die Twitter-blad van Nusra Front, wat gekoppel is met Sirië se al-Kaïda, geplaas. Die beeld wys Nusra Front-vegters wat vorentoe beweeg om te veg teen Siriese-troepe en pro-regering gewapendes by Khalsa in Suid-Aleppo. Die Arabiese skrif lees: “Jihadiste op pad na die Khalsa-dorpie.” Foto: Al-Nusra Front Twitter-blad via AP/ wire.africannewsagency.com
Die Japanse eerste minister Shinzo Abe gee ondersteuners ʼn high-five tydens ʼn verkiesingsveldtog vir sy regerende Liberaal Demokratiese Party in Koriyama in die Fukushima-prefektuur. Japan se parlementêre verkiesingsveldtog het Woensdag afgeskop in die eerste landwye stemming nadat die stemouderdom verlaag is van 20 tot 18. Foto: Kyodo News via AP/ wire.africannewsagency.com
Russiese President Wladimir Poetin neem deel aan ʼn kransleggingseremonie by die graf van onbekende soldaat in Moskou, Rusland, ter herdenking van die 75ste herdenking van die Nazi-inval van die Sowjet-unie. Foto: Grigory Dukor/Pool photo via AP/ wire.africannewsagency.com
Familie treur oor die verlies van familielede wat dood is in die selfmoordbomaanval in Kaboel, Afganistan. Die Nepalese regering het ʼn vliegtuig na Afganistan gestuur om die oorskot van 12 Nepalese burgers huis toe te bring. Foto: Xinhua/Pratap Thapa via AP/wire.africannewsagency.com
Ondersteuners van die Cleveland Cavaliers terwyl hulle wag vir die parade van die NBA-basketbalspan. Die Cavaliers het geskiedenis gemaak deur die Golden State Warriors in die NBA-finaal te klop en só die stad se 52 jaar sonder ʼn professionele kampioen te beëindig. Foto: Tony Dejak/AP via wire.africannewsagency.com
Pous Franciskus poseer vir foto’s saam met lede van die Giostra del Saracino, ʼn groep van Arezzo wat die antieke ridderkuns laat herleef, ná sy weeklikse oudiënsie in die Vatikaan. Foto: Fabio Frustaci/wire.africannewsagency.com
ʼn Noord-Koreaanse man en vrou loop onder ʼn muurskildery met ʼn boodskap wat lui “Lank lewe die groot oorwinning van die weermag eerste- beleid” in die middestad van Wonsan, Noord-Korea. Foto: Wong Maye-E/ wire.africannewsagency.com
Akteurs geklee in antieke kostuums tydens ʼn offerseremonie in die tempel van Fu Xi in Tianshui. Meer as 100 000 Chinese van regoor die wêreld het die seremonie bygewoon om hulde te bring aan Fu Xi, ʼn kulturele held in Chinese legendes en mitologie en wat glo die die uitvinder van skryf, visvang en jag is. Foto: Xinhua/Chen Bin via AP/wire.africannewsagency.com
Brittanje se koningin Elizabeth en prins Philip arriveer by vanjaar se internasionale sakefees by die uitstalsentrum in Liverpool. Die koningin is tans op besoek aan dié Britse stad. Foto: Peter Byrne/ wire.africannewsagency.com