Die wêreld in foto’s – 26 April 2017

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Die Suid-Koreaanse weermag lanseer verskeie vuurpyle tydens ʼn oefenlopie saam met die VSA in Pocheon, Korea. Foto: Ahn Young-joon, AP

ʼn Vrou en haar kinders loop verby ʼn muur vol koeëlmerke weens die konflik tussen polisie en bendes in Rio de Janeiro, Brasilië. Foto: Silvia Izquierdo, AP

ʼn Ortodokse priester woon ʼn gedenkdiens in die Oekraïne by wat die slagoffers van die Tsjernobyl-kernramp vereer. Dit is 31 jaar sedert die ramp. Foto: Sergei Chuzavkov, AP

Mediese studente van Thailand neem ʼn oomblik van stilte by kadawers om hul dankbaarheid te betoon aan die mense wat bereid is om hul liggame te skenk vir die Chulalongkorn-hospitaal in Bangkok. Foto: Sakchai Lalit, AP

Kinders ry op ʼn mallemeule tydens Moulid, ʼn godsdienstige fees in Kaïro, Egipte. Foto: Amr Nabil, AP

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.