Die wêreld in foto’s – 27 Februarie 2017

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

wereld-foto-1

ʼn Ma hou haar baba, wat nege maande oud is en aan wanvoeding ly, vas by ʼn voedingskamp in Somalië. Talle mense het uit desperaatheid na die kamp gevlug op soek na kos weens die droogte wat die gebied tans beleef. Foto: Farah Abdi Warsameh,AP

wereld-foto-6

ʼn Mark in Mogadishu is in stof en as gelaat ná ʼn brand deur Somalië se hoofstad getrek het. Hewige wind het die brand vererger. Foto: Farah Abdi Warsameh, AP

wereld-foto-8

36 Spanne neem deel aan die “draakbootresies” tydens ʼn tradisionele fees in China se Hainan-provinsie. Foto: Guo Cheng, Xinhua

wereld-foto-7

Feesgangers sit op die sypaadjie tydens ʼn karnaval in Düsseldorf, Duitsland. Foto: Martin Meissner, AP

wereld-foto-9

Dansers van die Beija Flor Samba-dansskool neem deel aan die karnaval in Rio de Janeiro, Brasilië. Foto: Leo Correa, AP

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

TDW ·

Dis hartverskeurend! Arme kindertjies van Somalië! Ek het regtig nie geweet nie! Mag God hulle voorsien, ek kan nie wag om ook te help nie.

TDW ·

Ons kan hierdie kindertjies help deur http://www.unicef.org
Selfs ‘n klein donasie kan baie word as baie mense dit gee. Kom ons Maroela lesers skenk R100 aan Unicef vandag. Vir die mense wat weet hoe dit voel om nie drinkwater te hê nie, en nie water aan hul kindertjies kan gee nie.

Louise ·

Die fotos beeld so duidelik ons wereld uit.. aan die een kant ‘n verhongerde baba, mense in as, en aan die ander kant die helder feesgangers. Ons moet uitreik, mense!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.