Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Noord-Koreaanse soldate besoek Vrydag die Fatherland Liberation War Martyrs-begraafplaas tydens die 65ste herdenking van die wapenstilstand wat die Koreaanse Oorlog beëindig het. Noord-Korea herdenk dié dag as die dag van oorwinning in die Vaderland-bevrydingsoorlog in Pjongjang, Noord-Korea. (Foto: Dita Alangkara, AP)
’n Woud brand naby die A9-snelweg tussen Potsdam en Fichtenwalde in Oos-Duitsland. (Foto: Polizei Brandenbur, AP)
Die Noorweegse bestuurder Mads Ostberg en sy medebestuurder Torstein Eriksen ry Vrydag met hul Citroen C3 WRC tydens die spesiale Assamaki-ronde van die Finse WRC-ren in Jyvaskyla, Finland. (Foto: Markku Ulander, AP)
Oostenryk se Lukas Postlberger, Frankryk se Damien Gaudin en Switserland se Silvan Dillier ry saam in die 19de ronde van die Tour de France-fietswedren wat oor 200,5 km strek en in Lourdes begin en in Laruns, Frankryk, eindig. (Foto: Christophe Ena, AP)
Emmanuel Macron, die Franse president, neem notas gedurende ’n debat saam met die Portugese eerste minister, Antonio Costa, met burgers oor die toekoms van Europa by die Calouste Gulbenkian-stigting in Lissabon. (Foto: Armando Franca, AP)
