Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
ʼn Vlugteling in die sogenaamde oerwoud-kamp naby Calais in die noorde van Frankryk maak gereed om ontruim te word. Frankryk het Maandag begin met die ontruiming van dié kamp. Duisende mense wat gevlug het voor oorlog en armoede leef in haglike omstandighede in dié kamp. Foto: Matt Dunham/AP
Brandbestryders bekyk die skade wat ʼn aardbewing aangerig het in Visso, Italië. Verskeie geboue het inmekaar getuimel wat kragonderbrekings veroorsaak. Die aardbewing volg ná daar net twee maande gelede ook ʼn aardbewing was waartydens ongeveer 300 mense gesterf het. Foto: Sandro Perozzi/ AP
ʼn Helikopter met pres. Rodrigo Duterte van die Filippyne aan boord land op een van Japan se skepe in Yokohama tydens ʼn drie-dag-besoek aan Japan. Foto: Eugene Hoshiko/AP
Hewige sneeu val in die Yuzhongstreek in China se Gansu-provinsie. Foto: Fan Peishen/Xinhua
Modelle vertoon ontwerpe van die ontwerper Xie Jiaqi tydens China se modeweek. Foto: Lu Peng/ Xinhua
Genade… Wanneer laas het ek ‘n vrou met ‘n rok aan gesien…? Hoekom dra almal die heeltyd broeke?