Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Plaaslike vissersbote snel die passasiers en bemanning van die Air Niugini-vlug te hulp nadat dié vliegtuig Vrydag in die westelike Stille Oseaan naby Mikronesië in die see gestort het op pad na die Chuuk- internasionale lughawe. Al 47 passasiers en bemanningslede het genadiglik die noodlanding oorleef. (Foto: James Yaingeluo, AP)
Mercedes se Lewis Hamilton van Brittanje Vrydag in aksie tydens ʼn oefensessie op die Sochi Autodrom-renbaan in Sochi, Rusland. Die 2018 Formule Een Grand Prix van Rusland vind Sondag plaas. (Foto: Sergei Grits, AP)
ʼn Aanhanger van die Amerikaanse span Vrydag op die openingsdag van die 42ste Ryder-beker by Le Golf National in Saint-Quentin-en-Yvelines buite Parys, Frankryk. (Foto: Francois Mori, AP)
ʼn Model dra Vrydag ʼn skepping deur Balmain. Dié modehuis se 2019-lente/somerreeks word in Parys, Frankryk, vertoon. (Foto: Thibault Camus, AP)
Betogers hou Vrydag ʼn plakkaat vas wat lees: ‘Die regering ondermyn staatsamptenare’ tydens ʼn betoging in Brussel. Werkers betoog teen die federale regering se besluit om sy siekteverlofstelsel af te skaf. (Foto: Geert Vanden Wijngaert, AP)
Telkom is vrot ons lyne in vanderbijlpark is af help aseblief Maroela media