Die wêreld in foto’s – 3 Februarie 2017

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

wêreld-foto

ʼn Polisiebeampte van Frankryk sper die terrein naby die Louvre-museum in Parys af, ná ʼn Franse soldaat ʼn beweerde terroris gewond het toe dié hom met ʼn mes wou aanval. Foto: Christophe Ena, AP

wêreld-foto

ʼn Gemaskerde betoger van Kasjmir (wat deur Indië beheer word) wil ʼn Indiese polisiebeampte met ʼn baksteen gooi tydens ʼn betoging in Srinagar, Kasjmir. Foto: Dar Yasin, AP

wêreld-foto

ʼn Vrou in nood word bygestaan deur ʼn lid van die Spaanse niewinsgewende organisasie Proactiva Open Arms. Dié organisasie red vlugtelinge uit die Middellandse See wat per boot uit oorloggeteisterde lande probeer vlug. Foto: AP

 

wêreld-foto

Kalusho, ʼn swartrenoster, wat sedert driejarige ouderdom in ʼn dieretuin in Frankfurt, Duitsland, woon, vier vandag sy 30ste verjaardag. Kalusho is in Zimbabwe gebore. Foto: Michael Probst, AP

wêreld-foto

Mense in Sjanghai, China, vier fees tydens die Chinese Nuwejaarsviering. Foto: Zhuang Yi, Xinhua

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Sulet ·

Julle bedoel seker hulle vlug weg van die oorlogsgeteisterde lande, nie na dit toe nie?!

Mariné Lourens ·

Dagsê Sulet

Ons vra om verskoning vir die oorsig. Die onderskrif is gewysig.

Groetnis
Mariné
nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.