Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Sedert die uitbreking van Covid-19 het lande wêreldwyd sosiale afstandhandhawing aangemoedig of algehele landwye afsonderingstydperke ingestel. Italië het intussen talle toeristebestemmings heropen ná maande se afsondering. Die Uffizi -galery in Florence is een van dié bestemmings.
Só geniet Italianers die bekende kunswerke in Florence.
Dele van die galery is afgebaken om afstandhandhawing tussen besoekers te bewerkstelling. (Foto: Andrew Medichini, AP)
Die Ponte Vecchio, oftewel die Ou Brug, gesien deur die venster van die Uffizi-galery in Florence, Italië. (Foto: Andrew Medichini, AP)
Lede van die media neem foto’s van kunswerke tydens die heropening van die Uffizi -museum in Florence. (Foto: Andrew Medichini, AP)
Lede van die media bewonder die kunswerk Doni Tondo, wat in die Uffizi-museum in Florence hang. Dié kunswerk is in die 15de eeu deur Michelangelo geskilder. (Foto: Andrew Medichini, AP)
ʼn Joernalis bewonder ʼn kunswerk deur Leonardo Da Vinci, Annunciation, tydens ʼn toer deur die Uffizi-museum in Florence, Italië. (Foto: Andrew Medichini, AP)