Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Twee polisiebeamptes in Kalifornië in die VSA omhels mekaar tydens die begrafnis van ʼn kollega wat doodgeskiet is deur ʼn bendelid. Foto: Nick Ut, AP
Die Somaliese terroristegroep Al-Shabaab lei honderde nuwe soldate op naby Mogadisjoe, Somalië. Foto: Farah Abdi Warsameh, AP
Pendelaars in Athene maak gebruik van busse terwyl treinwerkers staak oor nuwe wetgewing wat ingestel gaan word. Foto: Yorgos Karahalis, AP
Studente op pad na die parlementsgebou tydens ʼn protes in Nieu-Delhi, Indië. Foto: Manish Swarup, AP
Otters in die Marina Bay-dieretuin in Singapoer geniet die kunsuitstalling genaamd “Art-Zoo”. Foto: Then Chih Wey, Xinhua
