Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Toeriste vandeesweek op besoek aan ʼn gevriesde waterval by ʼn oord in Xingtai-stad in China se Hebei-provinsie. Foto: Mu Yu, Xinhua
Meer as 2 000 mense het Maandag probeer om ʼn wêreldrekord te oortref deur saam in die Epecuen-meer naby Buenos Aires in Argentinië te baai. Dié meer is bekend vir sy genesende kragte. Foto: Alejandro Moritz, TELAM, Xinhua
Mak Soben, geklee in ʼn kostuum en masker eie aan dié van die reus in Kambodjaanse tradisionele opera, verkoop vroeër dié week gedroogde gapermossels in Phnom Penh. Foto: Heng Sinith, AP
ʼn Verkoper in die buitewyke van Kaboel, Afghanistan, Maandag met ʼn trollie wat hy sommer self aanmekaar geslaan het. G’n reën gaan dié man nie terughou nie. Foto: Rahmat Gul, AP
Roger Federer van Switserland glimlag breed met die trofee in die hand nadat hy Rafael Nadal geklop het tydens Sondag se manseindstryd op die Australiese Ope in Melbourne. Foto: Aaron Favila, AP
