Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Te midde van die Covid-19-pandemie het België strenger maatreëls vir afstandhandhawing aangekondig in ʼn poging om ʼn landwye afsonderingstydperk te vermy. Dít volg ná koronavirusgevalle in België die hoogte in geskiet het.
Brussel se plaaslike owerhede het die gewilde Midi-kermis, wat jaarliks in die somer plaasvind, gekanselleer ná hierdie aankondiging.
ʼn Naambord word gedemonteer te midde van nuwe afstandregulasies. (Foto: Francisco Seco, AP)
ʼn Werker dra die naambord van ʼn wipwaentjie by die Midi-kermis in België. (Foto: Francisco Seco, AP)
Nog ʼn kermisstaanplek word opgepak in Brussel. (Foto: Francisco Seco, AP)
Werkers haal ʼn tuimeltrein uitmekaar. (Foto: Francisco Seco, AP)
ʼn Werker demonteer ʼn wipwaentjie by die Midi-kermis in Brussel. (Foto: Francisco Seco, AP)
