Die wêreld in foto’s – 31 Mei 2016

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

wêreld-foto's (9)

ʼn Palestynse meisie, Amira Abukmail (12), by haar jonger broer in hul huis in Gaza City. Amira se ma is verlede jaar by Erez-toegangspunt tussen die Gaza-strook en Israel gearresteer. Amira sien sedertdien self na haar vyf boeties en sussies om – die jongste is een jaar oud. Foto: Xinhua/Wissam Nassar/wire.africannewsagency.com

 

wêreld-foto's

Avigdor Lieberman (middel) wat Maandag as Israel se minister van verdediging ingesweer en Israel se stafhoof, Lt. Gen. Gadi Eizenkot, by ʼn verwelkomingseremonie in Tel Aviv, Israel. Lieberman sê hy ondersteun ʼn twee-staat oplossing vir die konflik met die Palestyne. Foto: AP Photo/Ariel Schalit/ wire.africannewsagency.com

 

wêreld-foto's

Polisie in Afganistan sit op militêre voertuie na ʼn ontvoering in die Kunduz provinsie in Afghanistan. Taliban-militante het ongeveer 45 mense ontvoer nadat hulle drie passasiers-busse op ʼn hoofpad onderskep het. Volgens berigte is 16 reisigers ook tydens die aanval vermoor. Foto: Xinhua/Ajmal Kakar/wire.africannewsagency.com

 

wêreld-foto's

ʼn Werker by ʼn spoorwerf wat die westelike deel van Guizhou met ʼn deel van die Shanghai-Kunming-hoofweg in China sal verbind. Foto: Xinhua/Liu Xu/ wire.africannewsagency.com

 

wêreld-foto's

ʼn Boer, Agostino Danelli, melk ʼn koei in Milan, Italië, tydens ʼn melkboer-byeenkoms. Die voedsel- en landbou-organisasie van die Verenigde Nasies het 1 Junie as wêreldmelkdag verklaar om meer blootstelling aan die bedryf te gee. Foto: AP Photo/Luca Bruno/ wire.africannewsagency.com

 

wêreld-foto's

Werknemers van die Roland Garros-stadion in Parys, Frankryk, probeer water van ʼn baan verwyder. Foto: AP Photo/Christophe Ena/wire.africannewsagency.com

 

wêreld-foto's

ʼn Slagter wag vir kliënte by ʼn slaghuis in Manila in die Filippyne. Goedere by baie van dié stalletjies is baie goedkoper as by winkelsentrums in die stad en word veral deur die plaaslike bevolking ondersteun. Foto: AP Photo/Aaron Favila/ wire.africannewsagency.com

 

wêreld-foto's (9)

ʼn Videospeletjie-entoesias geniet ʼn virtuele speletjie wat ʼn valskermsprong na-aap tydens die Computex-uitstalling in Taipei, Taiwan. Computex is een van die wêreld se grootste IT-uitstallings wat van 31 Mei tot 4 Junie vanjaar gehou word. Foto: AP Photo/Chiang Ying-ying/ wire.africannewsagency.com

 

wêreld-foto's

Novak Djokovic van Serwië tydens die vierde rondte van die Franse Ope by die Roland Garros-stadion in Parys, Frankryk. Foto: AP Photo/Michel Euler/ wire.africannewsagency.com

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Griet ·

Beste Maroela
Ek geniet julle wêereld in foto’s vreeslik baie! Moenie dat dit verlore gaan nie!! Groete

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.