Die wêreld in foto’s – 4 April 2019

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Kandidate vir vanjaar se Mej. Filippyne-skoonheidskompetisie is Donderdag in Manila aan die media voorgestel. Soveel as 40 vroue het ingeskryf om mee te ding vir hierdie titel. (Foto: Bullit Marquez, AP)

Wladimir Poetin (regs), Russiese president, gesels met Benjamin Netanyahu, Israelse eerste minister, tydens hulle vergadering Donderdag in die Kremlin in Moskou, Rusland. (Foto: Alexander Zemlianichenko, AP)

’n Man loop Donderdagoggend vroeg met sy honde aan die buitewyke van Frankfurt in Duitsland. (Foto: Michael Probst, AP)

Aandete word bedien by Ghetto Gastro se Labyrinth 1.1 in die Bronx, New York, tydens “Beyond Beef”, Beyond Meat se jongste produkontwikkeling. Met hierdie “Toekoms van proteïen”-inisiatief fokus Beyond Meat daarop om vleis direk van plante sonder soja, gluten of GMO’s te maak. (Foto: Stuart Ramson, AP)

Celine Dion kondig die Courage-wêreldtoer, wat op 18 September begin, by ’n spesiale geleentheid by die Theatre at Ace Hotel in Los Angeles aan. (Foto: Richard Shotwell, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae