Die wêreld in foto’s – 7 Februarie 2019

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Besoekers by die AgroFarm 2019-uitstalling in Moskou, Rusland. Ongeveer 400 maatskappye van 30 verskillende lande het aan die uitstalling deelgeneem. (Foto: Alexander Zemlianichenko jr, Xinhua)

Lede van die King’s Troop Royal Horse-artillerie neem deel aan ʼn geweersaluut ter ere van koningin Elizabeth II se 67ste herdenking van haar toetrede tot die troon by Green Park in Londen, Brittanje. (Foto: Ray Tang, Xinhua)

Oostenryk se Stephanie Venier bereik die eindpunt van die vroue-afdeling se afdraande afrigting by die Wêreldbeker- Alpynse skitoernooi in Are, Swede. (Foto: Giovanni Auletta, AP)

ʼn Kasjmirse man loop op ʼn sneeubedekte pad in die buitewyke van Srinagar, Indië. Die vars sneeuval het daartoe bygedra dat lug- en padverkeer vir die tweede agtereenvolgende dag tussen Srinagar en Jammu ontwrig is. (Foto: Dar Yasin, AP)

Spelers van Panama se Los Toros de Herrera vier hulle oorwinning teen Puerto Rico se Cangrejeros de Santurce gedurende die Karibiese Reeks-bofbaltoernooi by die Rod Carew-stadion in Panama City. (Foto: Arnulfo Franco, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae