Die wêreld in foto’s – 8 Januarie 2019

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

’n Werker maak ware van lacquer by ’n werkswinkel in Bagan, Mianmar. Lacquerware is een van dié land se tradisionele handwerke en gewilde herdenkings vir toeriste. Dit word gemaak van stroke bamboes, die hare van ’n perd se stert en hout. (Foto: U Aung, Xinhua)

Vlae van die Europese Unie en die Verenigde Koninkryk hang buite die parlement in Londen, Engeland. Lede van die parlement keer Dinsdag terug van vakansie en sal na verwagting die debat rakende die Brexit-wetsontwerp hervat. (Foto: Tim Ierland, Xinhua)

Sneeu bedek Dinsdag ’n boom voor die ou Akropolis-heuwel met die 500 v.C. Parthenon-tempel te sien ná sneeuval in Athene. (Foto: Petros Giannakouris, AP)

Vakbondlede skree slagspreuke uit op die eerste dag van ’n tweedaagse staking wat deur verskeie vakbonde in Moembai, Indië, geroep is. Die staking is geroep teen die regering se beweerde teenwerkersbeleid en eensydige arbeidhervormings. (Foto: Rafiq Maqbool, AP)

Die son kom Dinsdag op oor die Capitol in Washington. President Donald Trump sal na verwagting Dinsdagaand die publiek toespreek in ’n regstreekse uitsending vanuit die Oval-kantoor rakende die Amerikaanse grens. (Foto: J. Scott Apple White, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae