Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Te midde van die Covid-19-pandemie het wildbewaarders die eerste foto’s geneem van gorillas wat glo naby aan uitsterf was.
Die versteekte kameras het ʼn groep Kruisrivier-gorillas saam met hul babas by die Mbe-bergreeks in Nigerië vasgevang. Die foto’s dien as bewys dat pogings om dié spesie te beskerm, suksesvol is.
Só lyk die seldsame gorillas.
ʼn Kruisrivier-gorilla in sy natuurlike habitat. (Foto: WCS Nigerië, AP)
ʼn Groep seldsame Kruisrivier-gorillas by die Mbe-bergreeks in Nigerië. (Foto: WCS Nigerië, AP)
ʼn Versteekte kamera het foto’s geneem van ʼn groep gorillas, wat glo naby aan uitsterf was, by die Mbe-bergreeks in Nigerië. (Foto: WCS Nigerië, AP)
ʼn Kruisrivier-gorilla met ʼn baba op haar rug in Nigerië. (Foto: WCS Nigerië, AP)
