Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Werkers maak die potte gereed waarin geel ryswyn gebrou word in Shaoxing in China. Die winter is die beste tyd om die wyn te brou. Foto: Xinhua/Xu Yu
Betogers wag angstig vir die beslissing van die Filippynse hooggeregshof om vas te stel of die afgestorwe diktator Ferdinand Marcos in die heldebegraafplaas begrawe mag word al dan nie. Foto: AP Photo/Bullit Marquez
Bollywood-akteur Akshay Kumar salueer terwyl hy hulde bring aan ʼn gemartelde soldaat by die Grensveiligheidskamp by Paloura, Jammu, in Indië. Foto: AP Photo/Channi Anand
4) ʼn Ou vrou stap met haar hond deur ʼn laning bome in Frankfurt in Duitsland. Foto: AP Photo/Michael Probst
ʼn Gedeelte van die nuwe planetarium in Shanghai in China. Die planetarium beslaan 38 164 vierkante meter. Foto: Xinhua
