Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
’n Kelnerin dans in die Hofbräu-tent op die laaste dag van die Oktoberfest-bierfees in München, Suid-Duitsland. (Foto: Felix Hoerhager, AP)
Die son kom Maandagoggend op aan die Oossee op Timmendorfer-strand, Duitsland. (Foto: Michael Probst, AP)
Indiese lugmag-soldate marsjeer by die Hindon lugmagbasis in die buitewyke van Nieu-Delhi, Indië. Lugmag-dag word Maandag gevier om dié dag te herdenk waarop die Indiese Lugmag amptelik in 1932 gevestig is. (Foto: Manish Swarup, AP)
‘n Tempelwerker hou Maandag ‘n kers vas by ‘n Chinese tempel in Bangkok, Thailand, op die vooraand van die Vegetariese Fees. (Foto: Sakchai Lalit, AP)
‘n Siriese soldaat wat sy been in die Siriese oorlog verloor het, loop tydens ‘n fisiese terapie-sessie by die Ahmed Hamish Martyr-hospitaal in Damaskus, Sirië. Baie Siriese soldate moet leer om sonder een of meer van hul ledemate sowel as met ander ernstige gestremdhede te lewe. (Foto: Hassan Ammar, AP)
