Die wêreld in foto’s – 9 Oktober 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Te midde van die Covid-19-pandemie het aanhangers van die Iranse sanger, Mohammad Reza Shajarian, buite die Jam-hospitaal in Teheran getreur ná sy afsterwe.

Die 80-jarige sanger is Donderdag in die hospitaal aan kanker oorlede.

Shajarian was later in sy loopbaan gedwing om slegs in die buiteland op te tree, nadat hy die betwiste herverkiesing van pres. Mahmoud Ahmadinejad uitgedaag het deur aan die staatsradio te sê dat hulle nie meer sy liedjies moet gebruik nie.

ʼn Aanhanger van die sanger, Mohammad Reza Shajarian, treur na sy afsterwe Donderdag. (Foto: Vahid Salemi, AP)

Aanhangers steek kerse buite die Jam-hospitaal in Iran aan. (Foto: Vahid Salemi, AP)

ʼn Aanhanger treur nadat die 80-jarige sanger oorlede is. (Foto: Vahid Salemi, AP)

Talle mense het buite die hospitaal in Teheran bymekaargekom om Shajarian te groet. (Foto: Vahid Salemi, AP)

ʼn Aanhanger wys ʼn foto van die wyle Mohammad Reza Shajarian. (Foto: Vahid Salemi, AP)