Djokovic moet nou sy tasse pak

Argieffoto van Novak Djokovic. (Foto: Brandon MALONE / AFP)

Die Australiese regering het Novak Djokovic se visum Vrydag vir ’n tweede keer gekanselleer.

“Ek het vandag my magte uitgeoefen… om mnr. Novak Djokovic se visum te kanselleer op grond van gesondheid en goeie orde en op grond daarvan dat dit in die openbare belang is om dit te doen,” sê die minister van immigrasie, Alex Hawke.

Die kansellasie beteken Djokovic word weer deur uitsetting in die gesig gestaar terwyl hy waarskynlik drie jaar lank verban sal word om vir ’n nuwe Australiese visum aansoek te doen.

Die Serwiër kan wel weer appelleer in ’n poging om in Australië te bly om aan die Australiese Ope deel te neem. Dít ná ’n reeds opspraakwekkende regstryd oor sy aankoms in die land sonder dat hy teen Covid-19 ingeënt is.

Die wêreld se voorste manstennisspeler kon met ’n appèlaansoek die eerste kansellasie van sy visum in die hof omkeer. Hy het egter intussen erken dat hy isolasiereëls in Serwië oortree het en toegegee dat ʼn verklaring in sy Australiese reisdokumente foutief was.

Die Ope begin Maandag.

Hawke het Djokovic se visum ingevolge Australië se Migrasiewet gekanselleer, wat hom in staat stel om enigiemand te deporteer wat hy as ’n potensiële risiko vir “die gesondheid, veiligheid of goeie orde van die Australiese gemeenskap beskou”, berig BBC.

Bykomende bron: AFP

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

72 Kommentare

jongste oudste gewildste
Peter Pan

Mooi so… hy dink mos hy kan doen wat hy wil omdat hy bekend is!

Johanncb

Reg het geskied!

Treurwilger

Belaglik.
Egter heeltemal verwag van ‘n regering wat gedink het ‘n virus kan ge”crush and eradicate” word.

Louis

Australie is jaloers op hom want nie een van hulle tennisspelers kan hom wen nie. Met hom uit die pad dink hulle dat hul dalk n kans het op die grandslam. Wat n grap

Amelia

Ek wonder watter tipe gevaar hou Djokovic nogal in vir die gesondheid, veiligheid of goeie orde van Australië? ‘n Mens sal maar sukkel om so iets in ‘n hof te bewys. Hy het immers onlangse, bewese immuniteit teen die virus. As die Australiërs hulleself onordentlik wil gedra as gevolg van sy teenwoordigheid in die land, dan moet hulle maar self pa staan daarvoor – dis nie asof hy enigiemand aanmoedig om nie ingeënt te word nie. Nee wat, dit is alles duidelik polities en as ‘n groot tennisliefhebber is ek glad nie beïndruk met die skade wat hulle die sport… Lees meer »