Reddingspogings in Amatrice in Italië (24 Augustus 2016). Foto: AP Photo/Alessandra Tarantino
Die dodetal van die aardbewing wat Woensdag die sentrale gebied van Italië geskud het, het weer skerp gestyg.
CNN berig minstens 247 mense is reeds dood. Volgens die berig is 53 van die sterfgevalle in Amatrice aangemeld en minstens 100 mense in die dorp is beseer. Ander sterfgevalle is in Accumoli en Arquata del Tronto aangemeld. Meer as 1 000 mense is dakloos gelaat deur die aardbewing wat 6,1 geregistreer het.
Reddingswerkers is steeds besig om oorlewendes van onder die puin uit te haal en ʼn finale dodetal is nog nie bevestig nie. Volgens mediaberigte word die reddingspogings vertraag omdat baie dorpies net deur smal paaie bereik kan word en dit dus moeilik is vir reddingspanne om met swaar masjinerie daar uit te kom.
ʼn Tydelike mediese kamp word buite ʼn hospitaal in Amatrice in Italië opgerig (24 Augustus 2016). Foto: AP Photo/Alessandra Tarantino
Pres. Jacob Zuma het Woensdag namens die Suid-Afrikaanse regering sy medelye aan Italië en sy mense betuig. Die departement van internasionale betrekkinge en samewerking het in ʼn verklaring gesê enige Suid-Afrikaners in Italië of familielede in Suid-Afrika word versoek om die departement of die Suid-Afrikaanse ambassade in Rome te nader vir ondersteuning.
“Die mense van Suid-Afrika deel die pyn en verlies van geliefdes, huise en eiendomme. Ons gedagtes en gebede gaan aan die families wat hierdeur geraak is. Ons wens die beseerdes ʼn spoedige herstel toe,” het pres. Zuma gesê.
Lees alle vorige berigte oor die Italië-aardbewing op Maroela Media.
-
- ʼn Bejaarde man word bygestaan in Amatrice, Italië (Woensdag, 24 Augustus 2016). Foto: AP Photo/Alessandra Tarantino
-
- This still image taken from video shows rescuers recover a victim from a crumbled building in Amatrice, central Italy, where a 6.1 earthquake struck just after 3:30 a.m., Wednesday, Aug. 24, 2016. The quake was felt across a broad section of central Italy, including the capital Rome where people in homes in the historic center felt a long swaying followed by aftershocks. (AP Photo)
-
- Twee mense buite ʼn hospitaalgebou in Amatrice, Italië (24 Augustus 2016). Foto: AP Photo/Alessandra Tarantino
-
- An excavator digs through rubble of collapsed buildings following an earthquake, in Amatrice, Italy, Wednesday, Aug. 24, 2016. The magnitude 6 quake struck at 3:36 a.m. (0136 GMT) and was felt across a broad swath of central Italy, including Rome where residents of the capital felt a long swaying followed by aftershocks. (AP Photo/Alessandra Tarantino)
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
2 Kommentare
Dis tragies om te sien so baie mense het omgekom. Na al die verby is sal dit ideale kans wees vir hulle om die infrastrutuur op te knap vir masjienerie en reddingspanne om gou by redding situasies uit te kom want tyd in sulke gevalle is van uiterste belang.
Baie beslis het so n omvangryke ramp sy hartseer en pynlike gevolge vir die mens en die land in totaal Die fals nood hier is egter weer onse nr 1 wat sy neus hierin steek. Vir my baie moeilik om te glo dat sy meegevoel n sweempie van opregtheid bevat. Hoeveel 1000 mense is reeds hier vermoor en word steeds daagliks vermoor en nooit is daar enige klyk van meegevoel nie. In plaas daarvan sing hy masjiengeweer- liedjies,