Donald Trump: ‘Ek sal julle nie in die steek laat’

Trump saam met sy vrou Melania en hul seun Barron na sy oorwinningstoespraak. Foto: AP Photo/John Locher

Trump saam met sy vrou Melania en hul seun Barron na sy oorwinningstoespraak. Foto: AP Photo/John Locher

Donald Trump het, kort nadat hy tot 45ste president van Amerika verkies is, ʼn oorwinningstoespraak gelewer.

Trump het, omring deur sy gesin en verkiesingspan, gesê dit is tyd dat Amerikaners saamkom as een verenigde volk. “Ek sal ʼn president wees vir alle Amerikaners. Ek sal uitreik na diegene wat my nie ondersteun het nie. Ons moet almal die land verenig.”

Hy het gesê as almal saamwerk, kan hulle begin om die land te herbou. “Miljoene mense sal werk wanneer ons die VSA begin herbou. Niks wat mense vir die toekoms wil hê, is buite hul bereik nie, ons sal nie langer vir niks minder as die beste skik nie.”

Volgens Trump sal Amerika “gemeenskaplike gronde” soek in sy verhouding met die internasionale gemeenskap en nie vyandigheid nie. Trump het sy ouers, familie en verkiesingspan bedank en gesê hy is baie gelukkig dat hy heelpad hul ondersteuning geniet het.

“Dit word as ʼn historiese gebeurtenis beskryf. Dit kan nie een wees as ek julle in die steek laat nie. Ek belowe ek sal julle nie in die steek laat nie. Ek sien baie daarna uit om jul president te wees.”

Trump het gesê hul werk vir die verkiesingsveldtog is verby, maar dat die werk vir hul “beweging” nou eers begin. “Ons gaan dadelik aan die werk spring en hopelik doen ons ʼn werk wat julle sal trots maak op my as president. Dit is my eer. Ek is lief vir die land.”

Donald John Trump is op 14 Junie 1946 in New York gebore. Hy is een van vyf kinders. Trump het in sy jong loopbaan vinnig opgang gemaak as eiendomsmagnaat. Dit was egter sy sosiale lewe en egskeidings wat die nuus gehaal het.

Trump is in 2005 getroud met die model Melania Trump. Hy was twee keer vantevore getroud. Trump het vyf kinders, drie uit sy huwelik met Ivana Trump. Hy het ook ʼn dogter saam met die aktrise Marla Maples en ʼn seun saam met Melania.

Sy jarelange betrokkenheid by ʼn realiteitstelevisieprogram oor entrepreneurskap, The Apprentice, waarin hy week na week potensiële werksaansoekers afgedank het met die woorde “you’re fired”, was ’n reusesukses. Hy het in Junie 2015 aangekondig dat hy vir president sal staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

73 Kommentare

jongste oudste gewildste
Johan

Wys net God is in beheer. Ek het Julie al gekyk na die video op youtube “Trump chosen by God to stop America’s destruction” gaan kyk gerus. Die profesie is al 2011 deur ñ Engel aan die persoon gegee.

Jeanne

Dink ek moet my visums/groenkaart wat ookal gereed begin kry om Amerika toe te emigreer, ek dink dinge gaan nou daar begin gebeur. Hier gaan ons nie wen nie.

m

Ons hoop regtig daar kom n verskil. Die wereld is moeg vir oorlog en rassisme.

Rens Roodt

VADER IS OOK HIER IN BEHEER – DIT KAN HOM NET N SEKONDE NEEM OM ONS BLANKE BOEREVOLK TE KOM VERLOS – BLY OP JOU KNIEE

Deon

Trump …vir winde van verandering wat ook oor die suide van Afrika sal waai. Die betreurenswaardiges van gister is die leiers vandag. Daar is opwindende tye op hande waarby ook Afrikaners gaan baat.