Donald Trump loop voor

Foto: AP Photo/Paul Sancya

Foto: AP Photo/Paul Sancya

Die Amerikaanse verkiesing het in ʼn naelbytstryd begin ontaard nadat Donald Trump belangrike oorwinnings oor Hillary Clinton behaal het.

Trump het Florida verower en dit lyk asof hy dieselfde uitslag in Ohio gaan behaal. Florida en Ohio is van die deurslaggewende deelstate in die stryd om presidentskap. Clinton het volgens voorspellings oorwinnings in Virginia en Colorado behaal.

Die moontlikheid dat Trump president kan word lyk vanoggend nie meer so vergesog soos aanvanklik voorspel is nie. Verskeie belangrike deelstate moet egter nog verklaar word.

Hillary Clinton. Foto: AP Photo/John Locher

Hillary Clinton. Foto: AP Photo/John Locher

Clinton het intussen aan haar ondersteuners op Twitter gesê: “Wat ook al vanaand gebeur, dankie vir jul ondersteuning.”

Clinton het in die tradisioneel Demokratiese deelstate koning gekraai, terwyl Trump in die Republikeinse deelstate gewen het. Beheer oor die senaat is intussen ook op die spel.

Die wenner van die VSA se verkiesing word deur ʼn kieskollege aangewys. Elke staat kry ʼn aantal afgevaardigdes volgens die bevolkingsgestal van die staat, met ʼn minimum van drie stemme vir state soos Wyoming, Alaska en Noord-Dakota, wat baie klein bevolkings het. ʼn Kandidaat moet 270 stemme uit die kieskollege op hom verenig om te wen.

Trump het teen Woensdagoggend Suid-Afrikaanse tyd reeds 216 stemme op hom gevestig terwyl Clinton met ʼn kortkop agter is op 197.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
White trash

Assange meen dat Trump nie toegelaat sal word om te wen nie. Na die diaboliese “spirit cooking” debakel m.b.t.. Hillary is ek voluit in die Trump kamp.

Anton Visser

Ek is ook white trach en steun Trump van die begin af 100%! Mag hy wen!

LS

You go TRUMP !!!

Gerd Lourens

Gaan groot Donald Trump!!!

John

Ek weet darem nie, alles klink goed, maar hy is maar net n wit Malema