Vier mense is dood en meer as 60 beseer toe ʼn voetbrug bo-op ʼn groep musikante tydens ʼn karnaval in Oruro, Bolivië, ineengestort het.
“Drie van die persone wat gesterf het, was musikante,” het Carlos Romero, minister van binnelandse sake, gesê.
Dosyne mense was tydens die karnaval-optog op die brug toe dit meegegee het. Die vier dae lange karnaval is Bolivië se grootste fees met meer as 20 000 musikante en dansers en tienduisende toeriste wat dit jaarliks bywoon.