Drie tieners tydens huisbraak doodgeskiet

Argieffoto

Drie tieners van Oklahoma in die VSA is Maandagaand doodgeskiet nadat hulle glo in ʼn huis net buite die dorpie Broken Arrow ingebreek het.

Volgens ʼn verklaring van die polisie is drie tienerseuns Maandag kort ná middernag op die toneel dood verklaar. ʼn 21-jarige vrou, wat glo die bestuurder van die motor was waarmee hulle wou vlug, is intussen in hegtenis geneem.

Die drie tieners, wat in swart geklee was en balaklawas gedra het, is deur die eienaar van die huis se 23-jarige seun geskiet nadat hulle glo die agterdeur van die huis oopgebreek het.

Een van die verdagtes het ʼn mes gehad en ʼn ander het koperkneukels, wat met impak ʼn persoon se liggaam erg kan skend, aan sy hande gehad.

Volgens ao. Nick Mahoney, woordvoerder van die polisie, het ʼn woordewisseling kort ná die inbraak tussen die 23-jarige man en die verdagtes ontstaan. Skote is afgevuur, en al drie verdagtes is noodlottig gewond.

Twee van die verdagtes het in die kombuis aan hul beserings beswyk, en die derde verdagte is op die sypaadjie dood aangetref.

Mahoney het aan CNN gesê die voorval word tans as selfverdediging hanteer.

Die name van die verdagtes is nog nie bekend gemaak nie, maar volgens owerhede is al drie tussen 16 en 18 jaar oud.

ʼn Ondersoek na die voorval duur voort.

Bron: CNN, Wagoner County

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Klippie

Ek stem volkome saam met jou Chris!!

LOSKOP

Drie tieners dood geskiet en n saak van self verdediging word ondersoek , hier sou dit n klag van moord gewees het

huggy bear

Chris, ek wens ek kon met jou saamstem.
Hier is twee sake van belang.
1. Die tieners.het hulself deur hul optrede blootgestel en gekry wat hulle gesoek het.
2. Ongelukkig is dit n gegee dat enige on – natuurlike dood op n Geregtelike ondersoek uitloop. As jy oortuig is van jou saak as selfverdediging moet jou prokureur dit in n hof kan.verdedig. In so n geval sal saak teen jou teruggetrek word en sal jy onskuldig verklaar word.
Die Kritieke woord hier is “selfverdediging”. Selfs di SA Grondwet erken hierdie reg op selfverdediging.

tom

Wag om te weet of slag offers wit of swart is as dit swart is gaan amerika weer brand kyk maar hulle gaan se dis rassisme

pieterdp

Dis hard verskeerind. So jonk en dan word hul deur n 21 jarige vrou gedryf om so n misdaat te pleeg en so doende hul lewe verloor. Sy moet op gaan vir beplanning tot moor.