Algehele landswye afsondering het Maandag in Zimbabwe en Lesotho begin om die verspreiding van die koronavirus (Covid-19) te beperk. Albei lande het nog lae infeksiegetalle.
Afsondering van twee groot stede in Nigerië, Lagos en Abuja, word ook Maandag ingestel. Pres. Muhammadu Buhari het opdrag gegee dat “alle beweging gestaak word” en dat alle ondernemings tydens die afsonderingsperiode, aanvanklik vir 14 dae, gesluit word. Teen Maandag is 111 Covid-19-gevalle en een sterfte in Nigerië aangemeld.
Daar is meer as 4 000 bevestigde Covid-19-gevalle in Afrika en minstens 130 sterftes, aldus die Wêreldgesondheidorganisasie (WGO).
Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.
Die meeste Zimbabwiërs is tans in SA in afsondering.