Dubai (Foto: Mahesh Salunke/Pixabay)
Die owerhede in die Verenigde Arabiese Emirate het beslag gelê op ʼn halfton kokaïen ter waarde van meer as AED 500 miljoen (meer as R2 miljard), het die polisie in Dubai Sondag gesê. Dit is een van die grootste dwelmklopjagte in dié land.
Beamptes het “ʼn smokkelpoging van 500 kg suiwer kokaïen gefnuik”, lui ʼn verklaring deur die polisie. “Die dwelmmiddels, met ʼn straatwaarde van meer as 500 miljoen Emiratiese dirham, was goed versteek in die struktuur van ʼn vraghouer.”
Die VAE, wat uit sewe emirate insluitend Dubai bestaan, het ʼn zero-toleransie beleid wat dwelmbesit betref.
Die polisie het gesê hulle kon die smokkelary fnuik nadat hulle ʼn wenk oor die vragskip ontvang het. In die operasie genaamd “Skerpioen” is ʼn Midde-Oosterse verdagte in hegtenis geneem. Volgens die polisie is hy ʼn tussenganger vir ʼn internasionale dwelmsindikaat.
“Sodra die vrag opdaag, moes die verdagte die onwettige dwelmmiddels na ʼn ander emiraat vervoer en dit in ʼn pakhuis stoor met die doel om dit te verkoop,” het Eid Mohammed Thani Hareb, direkteur van die antinarkotika-departement bygevoeg.
Veiligheidsbeamptes het ʼn klopjag uitgevoer op die pakhuis en die man “op heterdaad betrap”.
Dwelmsmokkelaars kan die doodstraf in die VAE opgelê word, maar teregstellings is seldsaam.
Hulle kan hom maar hang. Hoeveel mense sterf daagliks van dwelms
Groot show maar die etiese standaarde is maar so-so en misdaad floreer op groot skaal.
Jy is seker bietjie deurmekaar… misdaad in die VAE is min, want die wet word so streng toegepas. Mense is heelwat meer versigtig wanneer die doodstraf op die spel is en die polisie hul werk ordentlik doen.
Wat sou jy die groot ‘beleggings’ van mense soos die Ghupta’s en Zuma noem?
Hyskraan in die openbaar .
Geen verskoning vir dwels nie….massa mens vernietiging