Duitse kanselier kondig uittrede aan

Angela Merkel, die Duitse kanselier. (Foto: Markus Schreiber, AP)

Angela Merkel, die Duitse kanselier, het Maandag haar uittrede as bondskanselier aangekondig.

Volgens Merkel is dit haar laaste termyn as kanselier en sal sy haar ook nie weer in Desember as voorsitter van haar party, die Christen-Demokratiese Unie (CDU), verkiesbaar stel nie. “Dit is vandag tyd vir my om ʼn nuwe hoofstuk te begin,” het Merkel gesê.

Sy was sedert 2005 kanselier van Duitsland. Dié aankondiging is wyd as onverwags bestempel en talle meen dit is aanduidend van Merkel se verswakkende mag binne haar eie partye en kwynende gewildheid in die land.

Merkel se verklaring het gekom na afloop van ʼn partyvergadering ʼn dag ná die staatsverkiesing in Hesse, waar die CDU ʼn erge terugslag beleef het deur net 27% van die stemme te behaal. Dit is ʼn skerp afname van die 38,3% vyf jaar gelede.

CNN berig Merkel het gesê sy stel ook nie belang om enige ander politieke amp te beklee nie. Sy het aan verslaggewers gesê om kanselier te wees, is “ʼn baie uitdagende en vervullende taak”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Jac

Soros betaal seker haar aftreepakket…

PJC

Geen leier behoort so lank aan bewind te bly nie. Sy het destyds goed begin maar stelselmatig het haar besluite al hoe meer omstrede begin raak.5

humor

Ek glo nie die Duitsers het braaivleisvure wat hoog brand nie, maar ek is seker daar is duisende bierbekers wat in oorvloed hoog gelig word.

waarheid

Uiteindelik!!!
Sy het soveel skade aan die Duitsers aangerig.
Dankie tog!!
Geluk Duitsland ek vier saam met julle!!!!!!!

Staak saam

En so val die pilare wat liberalisme so hoot hou een na die ander.

Dit moet ook net hier gebeur!!!