Duitser wil 30 000 km stap vir skoon water

 
  ANA-dpa

Steffen Pfeiffer Foto: Facebook

Steffen Pfeiffer Foto: Facebook

ʼn 49-jarige man van Duitsland het Donderdag aangekondig dat hy beplan om 30 000 km ver te stap vir die Water is Right-stigting, ʼn liefdadigheidsorganisasie wat hom beywer om wêreldwyd gratis water te voorsien.

Steffen Pfeiffer, van Freiberg am Neckar, sal Vrydag uit Frankfurt vlieg om Sondag sy tog in Noorweë te begin. Hy beplan om die afstand binne drie jaar af te lê tydens sy “Walk4Water”-toer deur meer as 30 lande oor drie kontinente. Hy wil bewusmaking skep oor watertoegang en geld invorder vir die stigting.

Pfeiffer sal deur Europa na Turkye stap en dan na Oman totdat hy uiteindelik Kaapstad in Suid-Afrika sal bereik.

“Water is Right” is deur Rolf Stahlhofen, ʼn lid van die Duitse musiekgroep, Sons of Mannheim, tot stand gebring. Stahlhofen beplan om teen 2025 te verseker dat elke skool in die wêreld gratis toegang het tot drinkwater en behoorlike sanitasie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

Een kommentaar

HEVW ·

Jy verdien groot lof vir hierdie prysenswaardige poging. Maar ai, beplan tog n ander roete as Suid-Afrika. Hier kan jy vining verdwyn en die water nog steeds vir dekades besoedel wees.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.