Een aand ʼn koningin voor sy sterf

Jerika Bolen by die afskeidsdans. Foto: Facebook

Jerika Bolen by die afskeidsdans. Foto: Facebook

ʼn Veertienjarige meisie van Wisconsin in die VSA is Vrydagaand as balkoningin (“prom queen”) gekroon by ʼn afskeidsdans wat haar skool vir haar gehou het voordat sy binnekort uit vrye wil sal sterf.

Jerika Bolen ly aan tipe 2 spinale spieratrofie sedert sy agt maande oud is, ʼn siekte wat die liggaam se motoriese neurone aantas en veroorsaak dat haar spiere stadig wegkwyn. The Daily Mail berig Jerika het al meer as 30 operasies gehad en moet die grootste deel van haar dag aan ʼn asemhalingsmasjien gekoppel wees om haar aan die lewe te hou.

Ten spyte daarvan dat die dokters alles in hul vermoë gedoen het om Jerika te help, is daar geen kuur vir haar siekte nie. Sy is konstant in pyn. Die jare se pynstillers wat sy moet drink het mettertyd baie skade aan haar liggaam gedoen.

Volgens Daily Mail het Jerika self besluit dat sy in Augustus van haar asemhalingsmasjien sal afgaan en sal sy na verwagting op natuurlike wyse aan haar siekte sterf. Jerika se ma, Jen, het aan die nuusagentskap gesê mense besef nie “wat dit vat om Jerika aan die lewe te hou en wat sy elke dag moet deurgaan nie”. Sy het gesê sy het vrede gemaak met die feit dat sy haar dogter gaan verloor en dat sy glo Jerika is oud genoeg om self oor haar lewe te besluit.

Jerika het hierdie video wat by die dans geneem is op haar Facebook-blad gedeel en gesê die dans was haar “heel beste oomblik”:

https://www.facebook.com/jerikabolen123/videos/262257030826253/

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
AndreL

Ai. Dit is hartverskeurend. Dit moes ‘n baie moeilike en dapper besluit gewees het. Sterkte Jerika, en aan jou familie en vriende.

Pierceoutpilots

En een van haar gunsteling youtubers het opgedaag bekend as “SOCIAL REPOSE” en met haar gekuier wat die aand vir soveel meer spesiaal gemaak het. Dit is hoekom mens al die klein goed in lewe moet waardeur !

AndreL

Ek sien my kommentaar het verdwyn. Ek plaas dit weer.

Ai. Dit is hartverskeurend. Dit moes ‘n baie moeilike en dapper besluit gewees het. Sterkte Jerica, en ook vir jou famile en vriende

Wat-ek-lees

Ja AndreL maar tog ‘n voorreg om jou te kan voorberei vir die hiernamaals. Dan is dit ook ‘n geskenk om beheer te hê oor jou heengaan en nie vir verlossing te smeek terwyl jy sukkel om dood te gaan. Ek sal my liewer nie uitlaat oor genadedood want ek sal heel moontlik toetentaal verkeerd verstaan word. Veral omdat wonderwerke van God nog steeds in ons tyd daar is en nie net in Bybelse tye gebeur het.
Om op so ‘n jong ouderdom alreeds afskeid te neem is vir my die ergste van ‘n lewe wat skaars begin het.

Pastoor

Wat ek lees. Jy praat so na my hart. Wonderwerke gebeur vandag nog Mark 16 vers 16 tot 18 verduidelik dit mooi. Vandag neem die mens mos sy eie besluite en God moet daarby inpas. Ons noem dit menseregte. Steeds n familie wat deur smarte gaan. God bly in steeds in beheer en dit maak nie saak hoe die mens sy menswette maak en uitspel nie. Dit pas nie by Sy plan in nie klaar