Een uur later skryf man Ferrari af

Die Ferrari 430 Scuderia (Foto: Facebook)

ʼn Man van Yorkshire in Engeland het sy peperduur Ferrari 430 Scuderia afgeskryf – een uur nadat hy met dié motor by die handelaar se lokaal uitgery het.

Volgens ʼn verklaring van die Yorkshire-polisie het die man beheer oor sy voertuig verloor as gevolg van “nat weerstoestande”. Die motor het getol en langs die pad tot stilstand gekom voordat dit aan die brand geslaan het minute nadat hy homself uit die motor bevry het.

Die polisie het gesê hulle glo nie dié voorval kan met spoed verbind word nie, omdat die motor nié die skade gehad het van ʼn hoë-impak ongeluk nie.

Owerhede het egter gesê hulle is verbaas dat die man die voorval ongedeerd oorleef het.

“Hy is baie gelukkig gewees om net ʼn paar krap- en kneusplekke aan sy lyf te hê, maar sy voertuig is heeltemal verwoes,” lui die verklaring.

Dié Ferrari het splinternuut ongeveer R3,4 miljoen gekos.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Danie

Sover ek Afrikaans verstaan, is”sowat” en “ongeveer” sinonieme.

Ronel Bladen

Sy ego is daarmee heen!

Clayton Cunningham

Can’t be ‘splinternuwe’ it’s a 430 Scuderia, it was made in 2007 / 2008 !!!

Chris

Nie ‘n goeie advertensie vir Ferrari se padhou vermoë nie!

Cherokee

Die motor het nie die skade gehad van ‘n hoë impak ongeluk nie, het hulle afgelei uit die as van die verbrande tjor.