Advertensie vir die Motorola DynaTAC Foto: Motorola
Die eerste draagbare selfoon, ‘n Motorola DynaTAC 8000X, is vandag presies 30 jaar gelede verkoop.
‘n Persoon het óf in Chicago, óf Baltimore, óf Washington op 13 Maart 1984 $3 995 ($9 000 of R97 000 in 2014) vir dié luuksheid betaal, berig Mashable. Volgens Mashable is dit nie bekend wie die eerste koper was nie, aangesien dit in daardie stadium nie van geskiedkundige belang beskou is nie.
Motorfone bestaan reeds sedert die middel 1940s.
Die foon het bykans 800 gram geweeg en selfs sy skeppers het daarna verwys as “Die Baksteen”. Die selfoon se batterylewe was maar 30 minute lank.
