’n Ierse boer het onlangs sowat 10 kg botter ongeveer vyf meter onder die grond in ’n moeras gevind.
Dié botter is sowat 2 000 jaar oud en is teoreties nog eetbaar, “hoewel ons mense nie sal aanraai om dit te eet nie,” sê Andy Halpin, assistent-kurator van die Ierse nasionale museum se afdeling vir oudhede.
Soortgelyke hompe botter word gereeld in Ierse moerasse gevind en tussen 1817 en 1997 is 274 sulke vondste aangemeld. Die meeste van dié vondste word gemaak wanneer boere veen as brandstof ontgin.
Van die vondste was tussen 3 000 en 5 000 jaar oud. Die meeste dateer egter van die periode 400 v.C. tot en met die 13de eeu n.C.
Kenners meen na duisende jare onder die grond het dié botter veel meer die karakter van hedendaagse kaas as botter.
Die vermoede is dat die botter, wat destyds ’n skaars en luukse item was, om godsdienstige redes begrawe is.
Bron:
dis amazing!
Rens wat is fout met asemrowend?
Interessant!. Dankie vir sulke ” gewone” nuus.
Dit lyk nou meer soos bodder. Kruising tussen botter en modder. (Net ‘n grappie)
Wat is nou so snaaks hieraan? Baie winkels in Suid-Affrika verkoop ook voedselprodukte wat al verby die ‘sell by date’ is.
Ag dis nou nou ‘n goeie een!En heeltemal waar ook.
Die Iere het seker met hulle botter in die gat geval….
Dit lyk my die Iere het laas naweek van daai botter aan hulle gesmeer en sodoende gekeer dat die Springbokke hulle kon vas vat. Glade varkies soos vroeer jare op feeste.
Goed, beter, botter!
Bewys botter se superioriteit bo margariene.