Egipte se voormalige leier ter dood veroordeel

Mohammed Morsi Foto: Times of Israel

Mohammed Morsi Foto: Times of Israel

Mohammed Morsi, die ontsette president van Egipte, is in ʼn hof in dié land tot doodstraf gevonnis ná ʼn tronk-ontsnapping in 2011, berig BBC.

Die voormalige leier is reeds tot 20 jaar tronkstraf gevonnis vir die inhegtenisneming en marteling van betogers tydens sy bewind.

Morsi is in Julie 2013 deur die weermag omvergewerp ná grootskaalse straatbetogings teen sy bewind. Die owerhede het sedertdien sy Moslem-Broederskapbeweging verbied en duisende van sy ondersteuners in hegtenis geneem.

Enige doodstraf moet eers na die moefti, die regering se amptelike vertolker van Islamitiese wette, verwys word vir sy mening. Daar kan steeds appèl aangeteken word teen die vonnis, al het die moefti sy goedkeuring gegee.

Lees alle vorige berigte oor Mohammed Morsi op Maroela Media
Bron: BBC

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Jacques ·

As jy weet waaroor die Egiptiese broederbond gaan sal jy dalk anders dink. Ek woon in Dubai en die goed is gevang terwyl hul bom plantings hier beplan het….

Drieks ·

En Mugabe, Zuma, do Santos van Angola wat skatte opgaar en moorde toelaat op hul eie mense.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.