Egpaar sterf minute uitmekaar

Clair en Jeanne Vance. Foto: (Debbie Pike via AP)

ʼn Egpaar van Pennsilvanië in Amerika wat amper 45 jaar lank getroud was, is minute uitmekaar oorlede.

Clair Vance het sy 70-jarige vrou, Jeanne, daagliks besoek in die sorgsentrum waar sy weens mediese probleme gewoon het.

Die 75-jarige het egter self siek geraak en is met griepsimptome in die hospitaal opgeneem. Sy toestand het vererger en hy is Sondagaand oorlede, minute nadat hy nog met sy vrou oor die foon gesels het.

Een van die egpaar se dogters was by haar pa toe hy oorlede is. Sy het haar tannies gevra om na die sorgsentrum te gaan en haar ma van haar pa se afsterwe in te lig.

Jeanne is met hul aankoms dood in haar kamer aangetref. Die egpaar is Vrydag saam begrawe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Anneline

Dit is wat ons jong getroudes sal noem #couplegoals.
Die Here het geweet die een sou nie sonder die ander een op aarde kon klaarkom nie.

IK

Hartseer ja, maar ‘n volmaakte einde . . .

Cherokee

Verlede jaar in Augustus is my oudste broer se vrou gediagnoseer met kanker en ‘n sowat 3 maande verdere lewensverwagting. My broer, wat nooit die diagnose gehoor het nie, het in sy sitkamer beroerte gekry en is enkele dae daarna oorlede. In ‘n gesprek met sy vrou het sy gesê sy het miskien twee maande oor. In Oktober het sy die tydelike met die ewige verwissel. Twee maande later het sy weer by hom aangesluit.

Roos

Ek dink dis pragtig.

Corrie

Ons het dieselfde storie in ons familie gehad. Ons was die oggend by my oom se begrafnis en was nie 10 minute by die huis nie, toe kry ons oproep dat my tannie dood is (dieselfde oom wie ons begrawe het se vrou)