Mark Mangini, Theo Green, Ron Bartlett en gaste ontvang die Oscar vir beste klankbaan namens die rolprent ‘Dune’. (Foto: Neilson Barnard / Getty Images via AFP)
Die wetenskapfiksie-rolprent Dune was Sondagaand die groot wenner toe die 94ste Oscar-toekennings in die Dolby-teater in Los Angeles in die VSA uitgedeel is.
Dié rolprent het Oscars in ses kategorieë, waaronder beste kinematografie, opgeraap.
Jessica Chastain is met die Oscar as beste aktrise vir haar rol in The Eyes of Tammy Faye vereer terwyl Will Smith die Oscar as beste akteur gewen het vir sy rol in die fliek King Richard.
Die rolprent CODA het die gesogte goue beeldjie ontvang vir beste fliek.
Jessica Chastain het die Oscar vir beste aktrise gewen. (Foto: Frederic J. Brown / AFP)
Will Smith het die Oscar vir beste akteur gewen. (Foto: Robyn Beck / AFP)
Hier is ʼn lys van wenners in die hoofkategorieë:
Beste fliek
CODA
Beste regisseur
Jane Campion, The Power of the Dog
Beste aktrise
Jessica Chastain, The Eyes of Tammy Faye
Beste akteur
Will Smith, King Richard
Beste akteur in ʼn ondersteunende rol
Troy Kotsur, CODA
Beste aktrise in ʼn ondersteunende rol
Ariana DeBose, West Side Story
Beste dokumentêr
Summer of Soul
Beste animasieprent
Encanto
Beste oorspronklike draaiboek
Belfast – Kenneth Branagh
Beste aangepaste draaiboek
CODA – Sian Heder
Beste oorspronklike klankbaan
Dune – Hans Zimmer
Beste kinematografie
Dune
Beste buitelandse fliek
Drive my Car (Japan)
Was so voorspelbaar wie die beste akteur gaan wen
…niks omtrent Will Smith wat vir Chris Rock gepot het nie? Wat ‘n klomp clowns.
Beste? Jy moet finale laaste prent sien wat kom. “Jesus op die wolke” laaste slag, “Gog &Magog&Ros in die berge rondom Israel verslaan” Wat ‘n fliek gaan dit nie wees nie.
Kom Jesus Kom. Almal wat hoor roep “Kom!”
Kannie wag nie. Eseg. 38:2- en 18 & Eseg. 39:1-7
Chris Rock behoort ‘n Oscar te kry vir hoe professioneel hy was nadat Will Smith se ware kleure uitgekom het.
Enige man wat vir sy vrou omgee sou so opgetree het, Chris Rock was so verkeerd beslis nie professioneel
Ek kannie wag vir Dune 2 nie!
My gunsteling rolprentresensent is Michael McCaffrey. Volgens hom stel niemand in Amerika meer belang in die Oscars nie. Sean Penn het gedreig: as Zelenski nie uitgenooi word om n toespraak te maak nie, smelt hy sy Oscar. Wonder of hy gaan?