Entstof verminder oordrag met 40%, sê WGO

(Foto: Justin Tallis/AFP)

Covid-19-entstof het oordrag van die dominante Delta-variant met ongeveer 40% laat daal, het die Wêreldgesondheidsorganisasie (WGO) Woensdag gesê. Hulle waarsku egter teen ʼn vals idee van veiligheid.

Tedros Adhanom Ghebreyesus, hoof van die WGO, het persone, wat ingeënt is, gemaan om steeds maatreëls toe te pas om te voorkom dat hulle Covid-19 opdoen en die siekte oordra. Hy het gesê meer as 60% van alle gevalle en sterftes wat aangemeld word, is weer in Europa. Dié getal gevalle beteken onvolhoubare druk op gesondheidstelsels en gesondheidsorgwerkers.

“Ons is besorg dat mense ʼn vals idee van veiligheid het dat entstowwe die pandemie tot ʼn einde gebring het en dat mense, wat ingeënt is, nie verdere voorsorgmaatreëls hoef te tref nie,” het Tedros aan verslaggewers gesê. “Entstowwe red lewens, maar dit verhoed nie ten volle oordrag nie. Data voor die Delta-variant het egter gewys dat entstowwe oordrag met ongeveer 60% verminder. Met Delta het dit tot ongeveer 40% gedaal.”

Die meer oordraagbare Delta-variant is nou dominant wêreldwyd en het meeste ander variante en die oorspronklike stam oorgeneem. Van die 845 000 monsters wat die afgelope 60 dae op die GISAID-databasis gelaai is, was 99.8% die Delta-variant.

“As jy ingeënt is het jy ʼn baie laer risiko om ernstig siek te word of te sterf, maar jy kan steeds die virus opdoen en dit oordra,” het Tedros bygevoeg. “Ons kan dit nie genoeg benadruk nie: selfs al is jy ingeënt, moet jy steeds voorsorgmaatreëls neem om seker te maak dat jy nie self die virus opdoen en iemand anders aansteek wat dalk kan sterf nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
casper

Wetenskap werk. Punt !!

annie

Die WGO is bang ons vergeet van hulle en die virus. Wat gaan die spul met hulself aanvang as covid-19 uitgewoed is, of is delta net die begin van erger vlae met erge voorspooksels dat duisende der duisende mense in die komende wintermaande in die noordelike halfrond van die virus kan sterf. Wat wat vir ons hier in die warmer suide inhou?

Corrie

Die vraag is net: Watse alternatief stel die anti vaksineerders voor om die probleem op te los.

Alet

Die feit dat hoogs ingeente lande presies dieselfde waves het en selfs erger, soos gibraltar, ierland ens. kan hulle nou nie meer wegsteek nie. Daarom moet hulle nou begin erken dat die inspuiting nie doen wat hulle beloof het.

Nici

Is dit nou dieselfde WHO wat begin laasjaar gese het mens tot mens oordrag gebeur nie? Die CDC het gese die viral loads vir ingeentes en oningeentes is dieselfde.