Europa kom voor geloofkwessie te staan oor vlugtelinge

Foto: UNHCR/Facebook

Foto: UNHCR/Facebook

Verskeie Europese lande sit met die hande in die hare oor vlugtelinge wat dié lande binnekom. Die meeste van dié vlugtelinge wat ’n heenkome in Europese lande soek is Moslems.

Baie Europeërs sien dié mense nie as hulpbehoewendes nie, maar eerder as draers van ’n “vreemde” geloof wat hulle beangs laat. En so het die vlugtelingekwessie meteen ook ’n godsdienssaak geword.

Verlede maand het die Slowaakse eerste minister, Roberto Fico, dit duidelik gestel dat sy land self sal kies watter vlugtelinge ingeneem sal word. Hy het benadruk dit is vir Slowakye belangrik dat die EU nie summier self besluit watter immigrante waar afpak nie.

Tans is daar meer as 40 000 immigrante wat heenkome moet vind.

Duitsland het aangekondig dat soveel as 800 000 immigrante vanjaar dié land sal binnekom. In ’n plek soos Suhl in sentraal-Duitsland het daar onlangs geweld uitgebreek tussen immigrante en dit blyk alles gaan oor geloof. Bewerings dat die Koran nie respekvol hanteer is nie, het tot ’n opstand in die behuising vir immigrante in Suhl gelei.

Woensdag is Angela Merkel, Duitse kanselier, in Heidenau uitgejou en het die gevoelens van die Duitsers na vore gekom toe woorde soos “volksverraaier” haar toegesnou is.

Voorheen het Pole aangedui dat hy verkieslik net Christene wil inneem, maar dié land het skielik van posisie verander. In Julie het Pole wel begin om die duisende immigrante wat via Italië en Griekeland die land binnekom te neem as deel van die EU se plan om verligting te bring.

Boyko Borissov, die Bulgaarse eerste minister, het in April aan joernaliste gesê sy land se demografie is te sensitief om immigrante in te neem. Tans het Bulgarye net 7,8% Moslems en Borissov vrees die effek wat die immigrante op geloofsamestelling in dié land sal hê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Gertjie

Die Moslems het jare terug gese hulle gaan hulle lede die wêreld instuur en so die wêreld in neem met hul godsdiens en die ander Godsdienste vernietig. Hierdie is maar die begin.
Sal hulle dit regkry?

Antoinette

Dit is nogals kommerwekkend. Ek vermoed ons geloof gaan getoets word binne die volgende paar jaar. Ek hoop ons kan die toets deurstaan.

wanda

So gaan hulle later hulle skole Godsiens moet verander, die tv kanale ens. So wat…..welkom tot SA, almal aan die oorkant het ons mos gedwing tot baie dinge of sanksies was teen ons ingestel, nou sit hulle in dieselfde penarie!

jeannine

Ek is belgiese ons moet ons nou al aanpas aan al die gemors die binnenkom ons betaal ons blou aan belasting hulle kom hier en kry alles vir niet en dan se hulle nou mos in die regering ons moet ons aanpas aan die vreemde kulture ons is Multi kultureel kom naar belgie hulle is hier welkom alles le klaar van die eerste dag die brave belg sal wel betaal dit is die nuwe wereld

Johnnie

Ek stem saam met Gertjie. Die moslems wil sodoende die hele wereld oorneem met hul geloof en die christendom sodoende vernietig. Die volgende is ons klomp lazyboy christene hier in suid afrika. Jy gaan net staande by as jy n weergebore kind van die Here is as jy kan getuig dat jy Hom aangeneem het as jou pesoonlike saligmaker en verlosser.