(Foto: Formula One, Twitter)
Die Formule 1-aandwedren word volgende jaar – ná vier dekades – weer in Las Vegas aangebied. Die laaste aandwedren wat in dié stad aangebied is, was in 1982.
Die wedren sal op ’n Saterdagaand in November plaasvind.
Hierdie wedren sal volgende seisoen – saam met dié in Miami en Austin – die derde Grand Prix in die VSA wees.
Stefano Domenicali, president van Formule 1, beskryf dit as ’n ongelooflike oomblik vir dié sport. “Dit is ’n bewys van die groot aanklank en groei van dié wedren,” sê hy.
(Foto: Formula One, Twitter)
“Las Vegas is wêreldwyd bekend as ’n joviale bestemming wat groot vermaak en opwinding bied. Daar is geen beter plek vir Formule 1 as in dié vermaakhoofstad van die wêreld nie.”
Die wedren – met 50 rondtes – sal van begin tot einde oor 6,12 km strek en renjaers sal na raming ’n spoed van meer as 342 km/h bereik.
Las Vegas het net in 1981 en 1982 Formule 1-wedrenne aangebied.
Die Miami Grand Prix vind op 8 Mei plaas terwyl die Amerikaanse Grand Prix op 23 Oktober in Austin, Texas, plaasvind.
VEGASSSS BABY! ???? We're heading back down the Strip in 2023 ???????? #LasVegasGP pic.twitter.com/IhlbyzcdD5
— Oracle Red Bull Racing (@redbullracing) March 31, 2022
We surprised our drivers with some news earlier this year…
Do you think they're excited? ????#F1 #LasVegasGP @Vegas pic.twitter.com/wkgI5FtP7a
— Formula 1 (@F1) March 31, 2022
