Talle gebruikers is só verknog aan Facebook, dat hulle die polisie gebel het toe dié sosialemedia-netwerk se webbedieners Vrydag vir ʼn wyle probleme gegee het.
Sersant Burton Brink, ʼn sheriff in Los Angeles, Amerika, moes van Twitter gebruik maak om die publiek in kennis te stel dat hulle nie die polisie kan kontak in só geval nie. “#Facebook is nie ʼn wetstoepassingskwessie nie, moet ons asseblief nie bel om te sê dit is af nie, ons weet nie wanneer Facebook weer sal aan wees nie!” het Brink op sy Twitter-rekening gesê.
Ai tog, ek kan aan baie beter goed dink om aan verslaaf te raak.