[Foto’s] 116 huise in Kersfees-brand verwoes

Die brand in Great Oceanweg in Victoria, Australië op 25 Desember 2015 (Foto: Keith Pakenham via @incident_alert, Twitter)

Die brand in Great Oceanweg in Victoria, Australië op 25 Desember 2015 (Foto: Keith Pakenham via @incident_alert, Twitter)

Meer as 100 huise is in ʼn veldbrand verwoes wat op Kersdag deur ʼn kuslyngebied in die suide van Australië, wat gewild is onder toeriste, gewoed het.

Brandweerbeamptes in Victoria het gesê koeler weer Saterdag het die onmiddellike bedreiging verlig van die brand wat deur die skilderagtige Great Oceanweg geruk het.

Craig Lapsley, kommissaris van Victoria se noodbestuureenheid, het gesê niemand is beseer nie. Altesaam 116 huise is in die klein dorpies, Wye River en Separation Creek, verwoes.

Honderde brandbestryders het op Kersdag gespook om die brand onder beheer te kry. Die brand het glo weens ʼn weerligstraal ontstaan en duisende mense moes hul huise ontruim.

Verwoestende veldbrande kom gereeld in Australië voor tydens die somersmaande.

Wye river cfa building Christmas Day. Cfa are doing a great job #wyeriverfires #cfa

A photo posted by David Lee (@urban_scapes_design) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Rupert Ashford ·

Bloekomwoude wat brand met 60-90km/h wind is nie speletjies nie. Voeg daarby sekere dele was die laaste 20-30 jaar nooit onder beheerde bestuur nie as gevolg van druk deur die “greenies” en dit was ‘n krytvat wat gewag het om te ontplof. Wonderlik dat niemand dood is nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.