Die maan het Woensdagaand vir ʼn kosmiese skouspel gesorg wat 35 jaar laas gesien is.
Die bloumaan was ook ʼn supermaan en het in sommige dele van die wêreld met ʼn totale maansverduistering gepaardgegaan.
Die tweede volmaan in dieselfde kalendermaand staan as ʼn “bloumaan” bekend terwyl ʼn supermaan sowat 14% groter is as ʼn gewone volmaan. Wanneer ʼn maansverduistering plaasvind, het die maan ʼn koperkleurige skynsel en daar word dikwels daarna verwys as ʼn “bloedmaan”. Die drie verskynsels het Woensdagaand op dieselfde tyd voorgekom.
Die skouspel het die beste vertoon oor Hawaii en Alaska, dele van Kanada, Australië en Asië. Die westelike dele van Amerika en Rusland kon die verskynsel ook mooi sien. Die maansverduistering was nie in Suid-Afrika beskikbaar nie maar wel die supermaan.
Meeste van die fotos is ge”Photoshop”.
Ek is nou maar ‘n dom ouma maar hoe PHOTOSHOP mens ‘n foto en hoe kan jy dit met die blote oog raak sie. Al was dit nie in SA sigbaar nie is dit nog steeds ‘n wonder deur die VADER
Gerhard, jy is soooo slim… maar jy praat snert! Familie van my in verskillende lande het self soortgelyke foto’s geneem – en die verskynsel gesien soos dit was. As jy nie soiets besonders kan waardeer nie, hou eerder jou siniese onkunde vir jouself… Mag jy eendag die wonder van die natuur beleef vir wat dit is: Die wonder van God se skepping… Lekker dag vir jou!
Pieta en Blommie.
Ek is al vir jare ‘n stokperdjie fotograaf, het al die toerusting insluitende sagteware om dit verander. Ek het die maan al baie keer afgeneem en dit is nooit naastenby so groot in ‘n foto dat dit groter is as ‘n gebou nie. Selfs om dit so af te neem dat dit so groot soos ‘n monument lyk is veel moeiliker as om eenvoudig twee fotos te neem en saam te voeg. As jy ‘n foto neem van ‘n dorp of stad sal die maan ‘n klein kolletjie wees op die foto. Verder is dit so dat meeste professionele fotos wel ge”photoshop” word. Dit is bloot deel van die fotograaf se werk, met net enkele uitsonderings. Uitsonderings word gewoonlik gemaak wanneer fotograwe vir kliente werk wat versoek dat daar geen veranderinge aangebring word nie.
Hier is ‘n goeie video oor hoe om die maan af te neem:
https://www.youtube.com/watch?v=_cGbbSx-Mug
Wil nogals so lyk ……
Ek het fotos geneem van die maan wat regtig n blou skynsel gehad het. Ekt dit op my fb gepost
Ai mens.
Die “blou maan” beskrywing/ benoeming is nie omdat die maan ‘n blou kleur het nie…… maar vol punte vir verbeelding.
Die maan was nietemin pragtig Woensdag aand.
Hie hie hie….
Julle bedoel seker dié maan was nie in Suid-Afrika ‘sigbaar’ nie. ?
Julle bedoel seker die maansverduistering was nie in Suid-Afrika ‘sigbaar’ nie. ?
En julle was natuurlik daar toe die foto’s ge” Photoshop “is. Toevallig is die foto in New York deur my seun SELF geneem..
Magda moet jou nie steur aan die klomp suur mense hier nie! Pragtige foto!
ai, die alwetende mense maak my moeg! geen rede om te se die fotos is “gephotoshop” nie.
Dankie vir die pragtige foto’s. By ons in Witrivier in die Laeveld het dit gereën, dus het ons nie die skouspel gesien nie, maar is dankbaar vir die reën.
Dis net ‘n tikfout maar die maan is darem seker nie Jerusalem nie. Dis ook ‘n jammerte dat die maansverduistering nie in RSA beskikbaar was nie. Seker net in lande wat nie sh1th0le5 is nie :-)
Dagsê Trompetter
Dankie vir jou valkoog, ons vra om verskoning vir die oorsig. Die berig is reeds gewysig.
Groetnis
Tania nms Maroela Media
DIT was nou n lekker gekekkel