Foto’s: Diere en hul dinge

Diere en hul maniere sorg gereeld vir groot vermaak – en soms wonder ʼn mens presies wat dié diere dink – en doen – wanneer niemand kyk nie.

ʼn Koei baljaar op ʼn plaas naby Falkenberg in Swede nadat hulle ses maande lank weens wintertoestande binnenshuis moes deurbring. (Foto: Adam Ihse/TT News Agency/AFP)

ʼn Pikkewyn plas rond by die Sea Life Bangkok Ocean World-akwarium in Bangkok. (Foto: Mladen Antonov/AFP)

Twee ooievaars maak hul verekleed skoon op ʼn hyskraan in Kirchheim, Duitsland. Ooievaarpare bou hul neste die afgelope 16 jaar al op hierdie hyskraan. Die maatskappy waaraan die hyskraan behoort, het bykomende platforms vir die neste gebou. Vanjaar is tien ooievaarsneste op die hyskraan te siene. (Foto: Christof Stache/AFP)

ʼn Hond is gedaan ná ʼn bedrywige dag in die tulpevelde in die weste van Duitsland. (Foto: Ina Fassbender/AFP)

Die hond van die Franse stiervegter Lea Vicens kyk na ʼn stiergeveg-oefensessie in Spanje. (Foto: Gabriel Bouys/AFP)

Wat kyk jy? Arabiese gemsbokke daag mekaar oënskynlik uit in die al-Wusta-natuurreservaat in Oman. (Foto: Karim Sahib/AFP)

ʼn Pasgebore seesklipad maak gereed om die see op Lhoknga-strand in Indonesië aan te durf. (Foto: Chaideer Mahyuddin/AFP)

ʼn Lamantyn peusel aan ʼn kop blaarslaai by die lamantyn-kritiekesorgsentrum in ZooTampa in Florida. Sedert Januarie vanjaar het 674 lamantyne in Florida gevrek. Dit is byna tripel soveel as tydens die vorige vyf jaar. (Foto: Eva Marie Uzcategui/AFP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

Tiptol ·

En dan word ons renosters uitgeroei en permitte uitgereik om olifante in Zimbabwe te skiet.

JohanR ·

Dink ek het ook soe gebok spring toe ons van Vlak 5 na 4 gaan!

Johan ·

Ek kan nie wag vir die dag dat alle stiergevegte wêreldwyd verban word nie. Ek hoop regtig dit gebeur nog in mý leeftyd.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.