Twee treine het mekaar op ʼn enkelspoor tussen Corato en Andria, nood van die hawestad Bari, in Italië getref (12 Julie 2016) Foto: Italian Firefighter Press Office via AP
Minstens 20 persone is Dinsdag dood tydens ʼn trompop botsing tussen twee treine in Italië.
Giuseppe Corrado, visepresident van Bari-Andria-Barletta, het ʼn beroep gedoen op bloedskenkers om na vore te kom, terwyl nooddienste talle beseerdes behandel. Hy het gesê vier persone is in ʼn kritieke toestand. Een van die beseerdes is ʼn kleuter wat uit die wrak gehaal is, het die Italiaanse nuusagentskap Ansa berig.
Twee treine het mekaar op ʼn enkelspoor tussen Corato en Andria, nood van die hawestad Bari, getref.
Beeldmateriaal wys die voorste gedeeltes van albei treine is heeltemal verwoes in die ongeluk. Die twee treine het mekaar reg van voor getref.
Volgens Italiaanse media is talle passasiers steeds vasgekeer in die wrak en reddingsbeamptes sukkel om by hulle uit te kom.
Die treine, albei van die privaat spoorwegmaatskappy Ferrotramviaria, het glo elk vier trokke gehad.
Volgens gerugte was meeste van die passasiers studente en pendelaars.
Italiaanse eerste minister Matteo Renzi het versoek dat ʼn ondersoek dringend van stapel gestuur word om die oorsaak van die ongeluk te bepaal. Hy het sy meegevoel betuig met die families van die slagoffers.
Dis nog nie duidelik of die ongeluk aan ʼn menslike fout toegeskryf kan word nie. Daar was ook nie ongure weer ten tyde van die ongeluk nie.
-
- Twee treine het mekaar op ʼn enkelspoor tussen Corato en Andria, nood van die hawestad Bari, in Italië getref (12 Julie 2016) Foto: Italian Firefighter Press Office via AP
-
- Twee treine het mekaar op ʼn enkelspoor tussen Corato en Andria, nood van die hawestad Bari, in Italië getref (12 Julie 2016) Foto: Italian Firefighter Press Office via AP
-
- Twee treine het mekaar op ʼn enkelspoor tussen Corato en Andria, nood van die hawestad Bari, in Italië getref (12 Julie 2016) Foto: Italian Firefighter Press Office via AP
-
- Twee treine het mekaar op ʼn enkelspoor tussen Corato en Andria, nood van die hawestad Bari, in Italië getref (12 Julie 2016) Foto: Italian Firefighter Press Office via AP
Ek verwys na paragraaf 4 bo – die twee treine het mekaar reg van voor getref? Kan 2 treine op een spoor wat na mekaar ry mekaar op ENIGE ander manier tref? Vra maar net.
Ja Johannes, hulle kan. As hulle in dieselfde rigting beweeg en die agterste een ry vinniger as die voorste een.
My magtag, dat so iets jou werklik in ‘n eerste wêreld land soos Italië ook kan gebeur. Ek sou die rits kommentare wou sien as dit hier plaaslik gebeur het.