[Foto’s] Nóg ʼn terreuraanval ruk Londen

Polisievoertuie by die Londen-brug ná die terreuraanval (3 Junie 2017). Foto: AP Photo/ Matt Dunham

Minstens ses mense is dood en meer as 30 beseer nadat aanvallers in ʼn bussie Saterdag in voetgangers op die Londen-brug ingeploeg en mense by nabygeleë kroeë en restaurante met messe aangeval het.

Die Britse polisie het gesê drie aanvallers, wat vals plofbare baadjies aangehad het, is deur die polisie doodgeskiet. Mark Rowley, Scotland Yard se hoof van teen-terrorisme, het bevestig ses mense is in die aanval dood.

Volgens Rowley het die bussie in voetgangers op die brug ingeploeg voordat drie aanvallers mense met messe aangeval het. Gewapende polisiebeamptes het die aanvallers in Borough Market doodgeskiet binne agt minute nadat hulle die eerste noodoproep oor die terreuraanval ontvang het.

Peter Rhodes, assistent-bedryfsdirekteur vir die Londen Ambulansdiens, het gesê sy personeel het meer as 45 mense na vyf verskillende hospitale vervoer. Volgens Rhodes is daar nog mense op die toneel vir geringe beserings behandel wat nie hospitaalsorg benodig het nie. Hy het gesê daar was meer as 80 paramedici op die toneel.

Nooddienste by die Londen-brug ná die terreuraanval (3 Junie 2017). Foto: Dominic Lipinski/PA via AP

Ooggetuies het aan The Guardian-koerant vertel hulle het gesien hoe twee mans mense buite die gewilde Roast-restaurant in Borough Market met messe steek. “Ons het twee [mans] met groot messe buite Roast gesien. Hulle het net mense begin steek. Ons het geskree ‘stop, stop’ en mense het hulle met stoele gegooi,” het een van die ooggetuies vertel. “Die polisie het opgedaag en onmiddellik die aanvallers geskiet.”

ʼn Taxibestuurder het aan ʼn plaaslike radiostasie gesê hy het gesien hoe drie mans met lang messe uit die bussie spring nadat die voertuig op die brug tot stilstand gekom het.

Theresa May, die Britse eerste minister, het die aanval as ʼn “verskriklike voorval” beskryf en haar dank uitgespreek teenoor die polisie en nooddienste vir hul vinnige optrede.

Die toneel by die Londen-brug ná die terreuraanval (3 Junie 2017). Foto: Dominic Lipinski/PA via AP

Sadiq Khan, Londen se burgemeester, het gesê die voorval was ʼn “opsetlike en lafhartige aanval op onskuldige inwoners en besoekers aan die stad”. “Daar is geen regverdiging vir sulke barbaarse optrede nie,” het hy gesê.

In Maart vanjaar is ses mense dood en minstens 29 mense beseer nadat ʼn aanvaller met ʼn motor in voetgangers op die Westminster-burg ingejaag voordat hy ʼn polisiebeampte binne die hekke van die parlement met ʼn mes doodgesteek het. Polisiebeamptes het die aanvaller doodgeskiet. Hy is later as Khalid Masood (52) geïdentifiseer en die Islamitiese Staat (Isis) het verantwoordelikheid vir die aanval aanvaar.

Verlede maand is 22 mense dood en meer as 60 mense beseer ná ʼn selfmoordbomaanval by die Manchester Arena kort nadat die sangeres Ariana Grande daar opgetree het. Isis het ook vir hierdie aanval verantwoordelikheid aanvaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Niklaas

Jammer om te hoor maar Ou Siener het geskryf die Britte gaan die swaarste kry eendag. Hulle staar ook bankrotskap in die gesig.Hulle was nooit gestraf vir die konsentrasiekampe soos die Duitsers gestraf was nie. Die wiel draai…al is dit dit n 100 jaar later.

Michael

Die britte sal die muslims moet begin deporteer anders sit hulle met net soveel probleme as Suid Afrika….pres Trump het die voorbeeld gestel may moet net volg.

Realis

Geen simpatie nie, die Britte het ons Afrikaners nog altyd te na gekom en hierdie aanvalle is hulle eie toedoen met hulle liefde vir al die nasies wat hulle dink geen bedreiging inhou nie.

Werner

Stem saam Niklaas en Rialis.Hulle beurt het gekom.

Karel Kat

Die hedendaagse Afrikaner word “gekasty” vir sy voorvaarders se sonde, van 1948 (bykans 70 jaar gelede)
Dit gaan my verstand te bowe, dat Afrikaners wat tans aan die ontvang kant van soortgelyke geskiedkundige wrokke is, nou dieselfde tipe gal braak uitlatings maak, teenoor die Britte se “Voorvader sondes” van 115 jaar gelede nie ??