Die son in die vorm van ʼn halfmaan tydens die sonsverduistering in Katmandoe, Nepal. (Foto: Niranjan Shrestha, AP)
Sterrekykers het Sondag die hemelruim bewonder toe ʼn gedeeltelike sonsverduistering in dele van Afrika, Asië en die Midde-Ooste plaasgevind het.
“Ons was gelukkig om dié sonsverduistering te kon sien,” het Hasan al-Hariri, uitvoerende hoof van Doebai-sterrekundegroep, gesê. “Ons sal eers weer oor 14 jaar só ʼn geleentheid kry.”
Mense in Doebai kon Sondagoggend soveel as 85% van die verduisterde son sien. “ʼn Verduistering is ʼn seldsame gebeurtenis. Dit gebeur gewoonlik twee keer per jaar, maar dit verskil van plek tot plek,” sê Al-Hariri.
Hoewel die Covid-19-pandemie die Doebai-sterrekundegroep se planne vir ʼn massabyeenkoms belemmer het, het die groep hulle tot die internet gewend sodat mense wêreldwyd die gedeeltelike sonsverduistering kon sien terwyl dit gebeur.
In Nieu-Delhi, Indië, waar die verduistering ook sigbaar was, het ʼn bewolkte hemelruim nie entoesiaste afgeskrik nie.
Só lyk die gedeeltelike sonsverduistering.
-
- Die son is gedeeltelik verduister in Ahmedadbad, Indië. (Foto: Ajit Solanki, AP)
-
- ʼn Halfmaan-son tydens die sonsverduistering in Katmandoe, Nepal. (Foto: Niranjan Shrestha, AP)
-
- Die son vorm ʼn halfmaan tydens die sonsverduistering in Dharmsala, Indië. (Foto: Ashwini Bhatia)
-
- Die son word gedeeltelik verduister by Sangam in Indië. (Foto: Rajesh Kumar Singh, AP)
-
- Mense bekyk die gedeeltelike sonsverduistering deur X-straalblaaie in Pesjawar, Pakistan. (Foto: Muhammad Sajjad, AP)
-
- Nepalese kinders kyk na die sonsverduistering deur donker skyf glas in Katmandoe, Nepal. (Foto: Niranjan Shrestha, AP)
-
- Kinders gebruik sonsverduisteringbrille tydens die sonsverduistering in Fukui, Japan. (Foto: Kyodo News, AP)
-
- Mense kyk na die sonsverduistering deur sonfilters in Hyderabad, Indië. (Foto: Mahesh Kumar A., AP)
