[Foto’s] Vier dood, 20 beseer in Britse terreuraanval

Noodpersoneel naby die Paleis van Westminster in Londen (22 Maart 2017). Foto: Yui Mok/PA via AP)

Noodpersoneel naby die Paleis van Westminster in Londen (22 Maart 2017). Foto: Yui Mok/PA via AP)

Vier mense is dood en minstens 20 beseer in ʼn terreuraanval Woensdag naby die Britse parlement in Londen.

Die Londense metropolisie het bevestig ʼn polisiebeampte en een aanvaller is onder die oorledenes. Mark Rowley, Scotland Yard se hoof van teen-terrorisme, het gesê ʼn polisiebeampte is deur die aanvaller doodgesteek, terwyl die aanvaller deur ander polisiebeamptes doodgeskiet is.

Die polisie glo dieselfde aanvaller was ook verantwoordelik vir ʼn motor wat op die Westminster-brug in voetgangers vasgery het, voordat hy die polisiebeampte by die hek na die parlement aangeval het. Die ander twee oorledenes was voetgangers op die brug.

Niemand is toegelaat om die parlement in te gaan of te verlaat terwyl die polisie die gebied vir nog aanvallers gefynkam het nie. Maroela Media het vroeër berig ooggetuies het gesê hulle het drie of vier geweerskote gehoor gevolg deur mense wat skree. Polisiebeamptes het kort daarna op die toneel toegesak en personeel in die parlementsgebou is aangesê om in hul kantore te bly.

Intussen het die New Yorkse polisiedepartement in die VSA ook bevestig dat hy veiligheidsmaatreëls rondom die Britse konsulaat en ander plekke met Britse bande in New York opgeskerp het in reaksie op die terreuraanval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
ken benoni

Jammer die Britte leer nou op die harde manier , hulle was baie hulp vaardig en sag met ons eie terreur groepe hier in Suid-Afrika, selfs kantore daar in Londen voorsien. Koester die adder teen jou bors en hy gaan jou wel pik!
Kry vir julle, ouma bak lekker koekies!

ken benoni

Die Britte leer nou op die harde manier omtrent terreur, het vroeër mos kantore en hulp aan ANC verskap, was maar stil toe die dinge hier gebeur het! Kry vir julle, hoop net nie SA burgers word beseer nie!

JS

Ek veroordeel sulke geweld ten sterkte, maar jy moet byse dat die Britte en ander Europese lande soos Belgie, Duitsland en Frankryk vir eeue hulle kolonies uitgebuit het. Nou is die skoen aan die ander voet. As mens hierdie byvoorbeeld vergelyk met die nagenoeg 28 000 Boere vrouens, kinders en ou mans wat skaars 120 jaar terug in Britse konsentrasie kampe gesterf het, dan sukkel ek regtig om juis simpatie te he met die Britte.

Verete

‘n Tereuraanval maak nie saak op wie nie is hartseer. Op die oomblik beweeg die wêreld in ‘n rigting waar elke ou op sy eie perdjie wil klim. Dit kan alleenlik opgelos word as daar saamgewerk word.

ken benoni

Varete: Net dalk, mag ander meer weet dan wat u besef. Ek wil my nie tot ‘n in-diepte gesprek hieruit laat nie maar as jy hulp verskaf aan terreur groepe, hetsy vir politieke redes of godsdienstigeredes of gierigheidsredes gaan jy ook later seer kry mens. Ek was dalk redelik naby toe IRA van hul wandade gepleeg het, heelwat dekades gelede!! Ek keur geen geweld of tereur goed nie maar wat jy saai dit maai jy later! Ek beskou die gesprek van my kant af , as afgehandel!!