Foto’s: Zim-rugbyspan ‘gedwing om op straat te slaap’

Foto: Facebook via David Coltart.

Tunisiese owerhede loop onder kritiek deur nadat foto’s aan die lig gekom het van die Zimbabwiese rugbyspan wat in Tunis op straat slaap saam met hul afrigter Peter de Villiers, die voormalige Springbokafrigter.

Die voorval het glo Maandag plaasgevind toe die span op pad huis toe was vanaf Kenia.

David Coltart, voormalige minister van sport in Zimbabwe, het gesê die spelers is gedwing om op straat te slaap aangesien die verblyf wat aan hulle verskaf is “walglik” was. Dit kom voor asof dié drastiese stap uit protes gedoen is.

“By hul aankoms is hulle vir ses uur by die grens opgehou, owerhede het hul paspoorte weggeneem en aangevoer hulle moet €600 betaal vir visums. Hulle kan dit nie betaal nie, want hulle het nie die geld nie. Meeste spanlede het maar twee uur slaap ingekry gisteraand.”

Coltart beweer die Zimbabwiese rugby-unie het tot op hede niks aan die situasie gedoen nie. “Komaan, Zimbabwe. Hoe kan ons toelaat dat ons nasionale span, ons vlagdraers, so behandel word?”

Coltart het ook gevra of Kazembe Kazembe, die huidige minister van sport, iets aan die situasie gaan doen.

Sosialemediagebruikers het ook uitgevaar en onder meer gesê die voorval is “absoluut walglik”. Een gebruiker het geskryf dit is “uiters vernederend” vir die spelers.

“Dit is tyd om ons nasionale trots te herstel,” het dié gebruiker bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Ella

Hahaha kry vir julle. Landbou en talle dinge is vernietig in julle land so die geld is ook op.
Slim vang sy baas vroeer of later al tref dit die wat nie betrokke was.

Kierie

Afrika….

Andre

en Jan van Riebeeck was nie eens daar nie

GM

Ag asseblief, as hy hulle ALLEEN daar laat slaap het, was dit nou iets om oor gal te braak, maar hy het saam met hulle die ongerief verduur as ek die berig reg verstaan. Ek glo hulle het ‘n keuse gehad of hul aan die ‘protes’ wil deelneem of nie. Maar ek sou graag wou sien hoe die ‘walglike’ verblyf lyk?

liz

Nou verstaan ek nie, moet ons hulle jammer kry?