Die eerste keer sedert die Fukushima-kernramp in Japan in 2011 is radioaktiewe spore van Sesium-134 en Sesium-137 aan die kus van Kanada gevind. Die radioaktiewe materiaal is van die ramptoneel afkomstig.
Die kernramp het gebeur toe ’n tsunami die kernkragopwekkingsintallasie na ’n groot aardbewing beskadig het. Die radioaktiewe materiaal wat nou aan die kus van Vancouver-eiland gevind is, is nog te min om enige gevaar vir mense in te hou. Volgens die groep is die bestraling ʼn duisend keer minder as ʼn enkele X-straal wat van ʼn tand geneem word indien jy elke dag vir ʼn jaar lank in die Vancouver-water sou swem.
Bron: The Guardian, ABC
Lees alle vorige berigte oor Fukushima op Maroela Media.