Geen verband tussen entstof en sterftes in Noorweë

(Foto: Graeme Robertson / various sources / AFP)

Die owerhede in Noorweë het Maandag gesê geen verband is gevind tussen Pfizer-BioNTech se Covid-19-entstof en die tientalle sterftes onder die bejaarde ontvangers daarvan nie.

ʼn Hele aantal lande, waaronder Noorweë se buurlande Denemarke, Finland, Ysland en Swede, het sterftes ná inenting gerapporteer, maar geen direkte verband met die entstof is vasgestel nie.

Dokters beveel wel aan dat die algemene gesondheid van bejaardes of verswakte mense oorweeg moet word voordat die entstof toegedien word.

Sedert die begin van Noorweë se inentingsveldtog wat teen einde Desember van stapel gestuur is, het die land reeds 33 sterftes onder bejaardes wat hul eerste dosis ontvang het, aangemeld.

Uit die 13 sterftes wat tot dusver breedvoerig ontleed is, was die oorledenes “reeds van ʼn gevorderde ouderdom, verswak en met ernstige siektetoestande – almal van hulle”, het Camilla Stoltenberg, direkteur van die Noorweegse instituut vir openbare Gesondheid, gesê.

“Wat oorsake van die sterftes betref, is daar nog geen ontleding gedoen nie.”

Stoltenberg sê dit is belangrik om te onthou dat ongeveer 45 mense daagliks in tehuise in Noorweë sterf.

“Dit is dus nie ʼn gegewe dat dit bykomende sterftes verteenwoordig of dat dit met die entstof verband hou nie.”

Intussen berig Al Jazeera dat Noorweë ook nie sy beleid oor die gebruik van die entstof weens die sterftes gaan verander nie.

Ná die berigte oor die sterftes het Noorweë nogtans benadruk dat dokters individueel moet oorweeg of pasiënte wat verswak of dodelik siek is, die entstof moet ontvang. Dieselfde aanbeveling word ook in ander lande gedoen.

Die Noorweegse medisyneagentskap het verlede week gesê dat normale newe-effekte van die entstof, soos koors en naarheid, moontlik bygedra het dat verswakte pasiënte dood is.

Pfizer en BioNTech het Maandag gesê hulle werk saam met die agentskap om al die tersaaklike inligting in te samel.

Meer as 48 000 mense is tot dusver in Noorweë ingeënt.

Deel van: Wêreldnuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Fritz

Mense sterf (moontlik) agv die entstof en die owerhede sê dis normaal.
Mense sterf van covid en dis n ontsettende ramp.
Ja né……

Frans

Soos ek dit verstaan bevat die entstof ‘n verswakte weergawe van die virus wat dan deur die liggaam beveg word en so weerstand ontwikkel sodat wanneer die werklike virus die liggaam wel bemet dit gereed is om die te beveg.
My vraag is nou,is die immuniteitstelsel van ou mense met allerhande kwale nie dalk te swak om selfs die verswakte virus van die entstof te beveg nie en dan agv komplikasies daaraan verbonde sterf? Wat sê die kenners?

Regverdigheid

Waar n rookie is , is n vuurtjie…. hoe het hul so vinnig eb=nd stof gekry teen Corona maar vir jare nie teen kanker en ander siektes maak net nie sin ???????